Persuttagaanikuuit?
Maani ikiorneqarsinnaavutit…
Persuttagaasimaguit maani ikiortissarsiorsinnaavutit.
Eqqaamajuk assigiinngitsorpassuarnik ilusilinnik persuttaasoqarsinnaammat – persuttagaaneq tassaasinnaavoq timikkut persuttagaaneq, soorlu isimmissartinneq unartartinnerluunniit. Tarnikkut persuttaanerusinnaavoq, soorlu arlaleriarluni kanngunarsagaaneq imaluunniit nikassarneqarneq. Aamma digitaliusumik persuttaasoqarsinnaavoq, soorlu digitalimik sioorasaartinnerit, mattaangalluniluunniit assinik siammarterinerit.
Persuttarneqarsimanerluni nalornigaanni arlalinnik ikiortissarsiornissaq ikiortissarsiunnginnermiit pitsaaneruvoq.
Politiit
TASSANNGAANNARTUMIK
Tassanngaannartumik persuttaanermik nalaataqaruit, politiit attavigissavatit. Imaassinnaavoq kamaattunik takunnittutit imaluunniit illit nammineq patittarneqartutit.
Tassanngaannartumik pisoqarnerani sianerfissaq: 70 14 48
PERSUTTAASOQAREERNERANI
Politiit persuttaasoqareernerata kingorna aamma ikiuussinnaapput. Assersuutigalugu unatartissimaguit, tamatuma pereernerata kingorna politiinut nalunaarutigisinnaavat. Aamma imaassinnaavoq kinguaassiuutitigut persuttagaasimasutit, soorlu kinguaassiuutitigut atornerlunneqarlutit, taamalu pisoqarsimatillugu aammattaaq politiinut saaffiginninnissat pingaartuuvoq.
Pigaartoqarfik: 70 14 48
SULIAQARTUNUT ATUGASSAQ: KINGUAASSIUUTITIGUT INNARLIINERIT
Sulisutut meeqqap kinguaassiuutitigut innarligaasimanera pasitsaakkukku, normu una aqqutigalugu siunnersorneqarlutillu ilitsersorneqarsinnaavutit.
Siunnersuisarfik: 25 54 34
Najorti
Najorti tassaavoq meeqqanik illersuisoqartitsisarnermik aaqqissuussineq, persuttagaasimaguit imaluunniit najugaqarfinni toqqissisimanngitsutut misigisimaguit saaffigisinnaasat.
Najortip kommunimut saaffiginninniarninni ikiorsinnaavatit, atugarisatit allanngoqqullugit. Najortip oqarasuaataanut sianerneq akeqanngilaq tusass-it imaqanngikkaluarpalluunniit sianersinnaavutit.
Najorti pillugu annertunerusunik allaqqasoqarpoq uani
Uunga sianerit imaluunniit sms-erit: 29 00 28
Tusaannga
Tusaannga tassaavoq sianertup kinaanini taanngikkaluarlugu oqarasuaatikkut siunnersorneqarfigisinnaasaa.
Tusaannga ikiuussinnaavoq, arlaatigut artorsaatitit pillugit oqaloqateqarnissat pisariaqartikkukku. Assersuutigalugu imaassinnaavoq atuarfimmi nakkarsagaasartutit imaluunniit kiserliortutut misigisimasutit. Aamma persuttagaasimaguit Tusaanngami sulisut ikiuussinnaapput.
Tusaanngap oqarasuaataanut sianerneq akeqanngilaq, taamaattumik meeqqat inuusuttullu Tusass-ialluunniit imaqanngippat suli sinianersinnaapput. Tusaannga ulloq unnuarlu ammasarpoq.
SMS: 18 99
Oqarasuaat: 80 11 80
Alliaq
Alliaq akeqanngitsumik nuna tamakkerlugu neqeroorutaavoq, inunnut qanigisaminnik ajoqusiinnginnissaq siunertaralugu qisuariaatsiminnik allanngortitserisuttunut. Alliaq angutinut arnanullu 18-inik ukioqalereersimasunut oqaloqatigiinnikkut katsorsaanermik neqerooruteqartarpoq.
Alliaq pillugu annertunerusunik allaqqasoqarpoq uani
Uunga sianerit: 80 11 99
Tag kontakt til din kommune
Ilinniartitsisutut meeqqap/atuartup ikiorserneqarnissaanik pisariaqartitsisumik nalaarsiguit sakkortusisamik nalunaaruteqartussaatitaaffeqarputit, nalunaarut inunnik isumaginnittoqarfimmut ingerlateqqinneqassaaq.