Ilinniartitsinermi atortussat
Atuartut isumaqatigiinnginnerit pissuseqarfiginissaannut periusissinneqassapput, namminneq killissarisatik allallu killissarisaat ataqqillugit attaveqaqatigiinnissaq sungiusassavaat, misigissutsillu artornartut oqaasertalernissaannut sakkussinneqassallutik. Ataatsimut isigalugu attaveqatigeeriatsit peqqinnartut nakuuserfiunngitsullu inerisarnissaannut periusissinneqassapput – maannakkorpiaq ungasinnerusorlu eqqarsaatigalugu.
Ilutigisaanik klasseqatigiinni oqaluuserissallugit inissaqartinneqartanngikkaluit oqallisiginissaat inissaqartilissavarsi.
Tassa! Atuartitsissutit siunertaannut naapertuuppoq, annertoorsuarmillu piareersaqqaartariaanani. Ingerlatsineq suliamut atatillugu teoretiskimillu tunngaveqarpoq, ulluinnarnilu misilerarneqarnikuulluni.
Persuttaaneq sunaava?
Ingerlatsineq manna aqqutigalugu atuartut ilinniassavaat persuttaanerup persuttaanerunngitsullu immikkoortinnissaat.
Unitsiguk aamma unikaallagit
Ingerlatsineq ”Unitsiguk aamma Unikaallagit” atuartut tarnikkut imminnut illersornissaannik patajaallisaasuussaaq.
Oqallisigisiuk!
Ingerlatsinerup matuma artornartut immaqalu annernarsinnaasut pillugit eqqartuinissamut atuartut sakkussissavai.
Ataatsimoorniartuuit?
Ingerlatsinerup matuma atuartut paasitissavaat, inuk uumasunut ataatsimoorniartartutut immat, pissusissamisuuginnartutut isigalugu ataatsimooqatigiinnut malinnaasartoq.