Atuarfik-angerlarsimaffik
Quppernermi uani sapaatip-akunnera Tassa!-mik sammisaqarfiusoq pillugu atuarfiup angajoqqaallu suleqatigiinnissaannut oqaloqatigiinnissaannullu atatillugu isumassarsiorsinnaavutit. Angajoqqaarpassuit meeqqamik atuarfimmi suliaat alapernaallutik malinnaaffigerusuttarpaat, ilaasalu atuarfiup sulineranut qanoq iliorlutik tapersersuisinnaanertik ujartortarlugu.
Immaqa aamma angajoqqaat ilaat sakkortuumik qisuariarsinnaapput, paasilerunikku meerartik persuttaasarneq pillugu atuarfimmi sammisaqarniartoq. Taamaammat angajoqqaanut allakkiornikuuvugut, inassutigaarpullu sapaatip-akunnera Tassa!-mik sammisaqarfiusoq sioqqullugu allakkat angajoqqaanut nassiutissagitit.
Atuarfiup angerlarsimaffiullu suleqatigiinnissaannut siunnersuutit
Angajoqqaaq alapernaatsoq
Ataaniipput angajoqqaanut alapernaallutik ilinniartitsinermik namminneq angerlarsimaffimminni tapersersuerusuttunut siunnersuutaasinnaasut tallimat.
Makkua inassutigikkit:
1. Nittartagaq una alakkaruk: www.tassa.gl tassanilu meeqqavit persuttaasarneq pillugu ilisimaligassai paasisaqarfigalugit
2. Qitornat persuttaasarnermik qanoq misigisaqartarnera pillugu oqaloqatigiuk
3. Qitornat oqaloqatigiuk, misigissutsit persuttaanerup nassatarisinnaasai pillugit
4. Meeqqat ullumi atuarfimmi suut ilikkarsimaneraat alapernaallutit apeqqutigisaruk, tamanna pillugu oqaloqatigalugu
5. Ingerlatsereernerup kingorna meeqqap qisuariaasii eqqumaffigikkit
Angajoqqaaq qulartoq
Tulliupput angajoqqaamut nalornillunilu qulartumut pissusilersuutigisinnaasannut siunnersuutit.
Angajoqqaaq qulartoq makkunannga ilisimatiguk:
1. Sapaatip-akunnerani Tassa!-mik sammisaqarfiusumi pineqarput, qitornavit attaveqatigiinnernut peqqinnartunut peqataasalernissaminut periuusissinneqarnissaa
2. Qitornat isumaqatigiinnginnerit pissuseqarfiginissaannut periusissinneqassaaq
3. Qitornavit oqaloqateqarnissani pisariaqartilissappagu sulisumik ilinniagalimmik piareersimasoqassaaq
4. Qitornat persuttaanermik misigisaqassuguni iliuuseqarnissaminut periarfissaqalissaaq
5. Qitornavit nammineq killissarisani annertunerusumik ilikkassavai