Tassa!-mut tikilluarit
Tassa!-mi atortussiat ukiuni marlunni Kalaallit Meerartaat, PiSiu, Isumaginninnermut Aqutsisoqarfik, Ilinniartitaanermut Aqutsisoqarfik, ilinniartitsisut kiisalu atuartitsinermut siunnersortit suleqatigalugit inerisarneqarput. Tassungalu atatillugu ilisimatuut tarnillu pissusaanik ilisimasallit suleqatigineqarput. Kalaallit Meerartaasa atuartitsissutit inerisarnissaat ilinniartitsisullu Tassa!-mik atuartitsinissaannut ilinniartinnissaat akisussaaffigaat.
Tassa!-mik ingerlatsinissamut bjn@fgb.dk – mut nalunaarnissaq pingaarpoq, peqataaneq akeqanngilaq!
Pingaarutillit ilagivaat atuartut aallartinnerminni kingullertullu Tassa!-p ingerlannerata naanerani ”Persuttaaneq sunaava?”-mi ilinniartitsineq 1 aamma 2-mi apeqqutit (survey) akinissaat. Taamaasilluta atuartut qanoq pissarsiaqarsimanerat malinnaavigisinnaavagut.
Tassa!-mut atuartitsissusiat 7.-8. aamma 9.klassimi atuartitsissusiassatut naatsorsuullugit inerisagaapput.
Atuartitsissusiat ima atuartitsissutigineqarsinnaapput:
Klassinut agguataarneri
Klassinut atuartitsissutissatut siunnersuutit:
o Unitsiguk aamma unikaallagit – 7.klassinut
o Persuttaaneq sunaava? – 7.,8. aamma 9.klassinut
o Ataatsimoorniartuuit? – 8. aamma 9.klassinut
o Oqallisigisiuk! – 9.klassinut
Atuartitsissutit tamarmik illit atuartuutinnut nalimmassarsinnaavatit- nalorniguit bjn@fgb.dk attavigiuk.
Ataatsimut sammisatut ingerlannissaa
Atuartitsissutit ataatsimut ingerlanneqartussatut suliaapput, taamaasillutik atuartut ukiuminnut naleqquttunik persuttaanerup suuneranik annertuumik ilisimasaqalernissaat anguneqassaaq.
Pisariaqartitsineq aallaavigalugu qulequttakkaarlugit sammineqarsinnaapput.
Atuartuutinni klassimi nuanniilliortoqarpat ”Unitsiguk aamma unikaallagit” klassimi sammineqarsinnaavoq. Tassani atuartitsissutit isumassarsiorfigisinnaavatit illillu atuartitsinernut nalimmassarlugit atuartitsissutigisinnaavatit.
Piareersarnissaq:
Sammisat
Persuttaaneq sunaava? - atuartitsinerit marluk
Unitsiguk aamma unikaallagit – atuartitsinerit sisamat
Oqallisigisiuk! - atuartitsinerit pingasut
Ataatsimoorniartuuit - atuartitsinerit arfinillit