Tassa!-mut tikilluarit
Uani illit nammineq killissatit allallu killissaat pillugit, naaggaarsinnaanissat pillugu aamma persuttaasoqalissappat iliuuserisinnaasatit pillugit annertunerusunik atuagassaqarpoq.
Sapaatip-akunnerata ingerlanerani:
• Isumaqatigiinnginnerit pissuseqarfiginissaannut periusissinneqassaatit
• Illit nammineq killissarisatit allallu killissarisaat ataqqillugit attaveqaqatigiittarnissamut isumassarsitinneqassaatit
• Misigissutsit artornartut oqaasinngornissaannut sakkussinneqassaatit.
Ataatsimut isigalugu attaveqatigiinnerit peqqinnartut persuttaaffiunngitsullu inerisarnissaannut sakkussinneqassaatit – maanna piffissarlu ungasinnerusoq eqqarsaatigalugu.
Ilutigisaanik ilissi klassitut ulluinnarni inissaqartinneqarpiartanngitsut oqallisiginissaannut periarfissaqassaasi.
Qilanaalereersinnaavutit! Qularinngilarput tupaallaatissinneqarumaartutit!
Ingerlatsinerit
Atuartut isumaqatigiinnginnerit pissuseqarfiginissaannut periusissinneqassapput, namminneq killissarisatik allallu killissarisaat ataqqillugit attaveqaqatigiinnissaq sungiusassavaat, misigissutsillu artornartut oqaasertalernissaannut sakkussinneqassallutik.
Persuttaaneq sunaava?
Ingerlatsinermi uani persuttaanerup persuttaanerunngitsullu immikkoortinnissaat ilinniassavat.
Unitsiguk aamma unikaallagit
Ingerlatsinermi uani tarnikkut imminut illersornissait patajaallisarnissaa sungiusassavat naaggaarnissallu ilinniarlugu – aamma tamanna ajornakusooraluarpalluunniit.
Oqallisigisiuk!
Ingerlatsinermi tassani artornarsinnaasut immaqalu annernarsinnaasut oqallisiginissaannut sakkussinneqassaatit.
Ataatsimoorniartuuit?
Ingerlatsinermi uani inuup uumasutut ataatsimoorniartartutut, pissusissamisuuginnartutut isigalugu allanut maleruutiinnartartutut, pissusilersortarnera pillugu paasisaqassaatit.